«Жас Ұлан» балалар мен жасөспірімдер ұйымына қабылдау салтанатты жиыны өтті.

Темірбек Қожакеев атындағы №39 ЖОББМГ-да 14 желтоқсан күні оқушылардың қоғамдық, әлеуметтік, танымдық және шығармашылық қабілеттерін дамыту  мақсатында «Мен Тәуелсіз елдің ұланымын!» атты Республикалық бірыңғай «Жас Ұлан» балалар мен жасөспірімдер ұйымына қабылдау салтанатты жиыны өтті. 
  Жиынға директорының тәрбие ісі жөніндегі орынбасары Жанаханова.Р.Ж  қатысып ұйымға, қабылданған оқушыларға туымыз түстес көгілдір галстук тағып,  жүрекжарды тілегін жеткізді. 
«Жас Ұлан» балалар ұйымына 2-ші және 5 сынып оқушыларынан оқушы қабылданды. Оның ішінде жас ұланға-30, жас қыранға-48 оқушы қабылданды. Іс-шара аясында жас ұландықтар салтанатты түрде ант беріп, жас қырандықтар тәуелсіздікке арнап мәнерлеп оқуларын оқып, құттықтау лебіздерін айтты. Тәуелсіз ел аясында бейбіт өмірдің құшағында бақытты балалық шағын кешіп жүрген  жас достарымызды «Жас Ұлан» БмЖ ұйымына қабылдануларымен құттықтаймыз!