«Менің Қазақстаным – менің мақтанышым» тақырыбында тәрбие сағаты өткізілді

Темірбек Қожакеев атындағы №39 жалпы орта білім беретін мектеп-гимназиясында жылдық жоспарға сәйкес Республика күніне орай «Менің Қазақстаным – менің мақтанышым» тақырыбында тәрбие сағаты өткізілді. Мақсаты – оқушылардың Отанға деген сүйіспеншілігін арттыру, туған жерге деген құрмет пен патриоттық сезімдерін қалыптастыру, ел тарихы мен мемлекеттік рәміздерге деген мақтаныш сезімін нығайту.
Тәрбие сағаты барысында оқушылар Қазақстан Республикасының Тәуелсіздік тарихы жайлы мағлұмат алып, еліміздің жетістіктері туралы бейнероликтер көрді. Сондай-ақ, оқушылар өздерінің Отанға деген сүйіспеншіліктерін өлең, ән және көрініс арқылы жеткізді.